КМҚК «Тереңкөл ауданының ауруханасында» 1 типті қант диабеті бар балалардың ата-аналарына арналған Денсаулық мектебінің кезекті сабағы өтті.

 Мамандар ата-аналарға балалардағы ауруды бақылаудың маңызды аспектілері туралы айтып берді:
 1 типті қант диабеті деген не және ол қалай дамиды;
 баланың қандағы қант деңгейін қалай дұрыс бақылау керек;
 инсулинді дұрыс енгізу ережелері ;
дұрыс тамақтану және тамақтану рационын құрастыру ерекшеліктері ;
 баланың денсаулығын сақтаудағы физикалық белсенділіктің маңызы ;
 гипогликемия және басқа асқынулардың алдын алу.

 Кездесу барысында ата-аналарға баланың күнделікті күтімі, өзін-өзі бақылау күнделігін жүргізу және қауіпті белгілерді дер кезінде тану туралы практикалық ұсыныстар берілді.

 Кездесу соңында ата-аналар мамандарға өздерін толғандырған сұрақтарын қойып, қажетті кеңестер алды.

 Отбасының қолдауы, дұрыс емдеу және тұрақты бақылау қант диабеті бар балаларға белсенді әрі толыққанды өмір сүруге мүмкіндік береді.