КМҚК «Тереңкөл аудандық ауруханасының» медицина қызметкерлері медициналық ұйымдардағы инфекциялардың алдын алу және инфекциялық бақылау бойынша оқыту курсына қатысуда.

Оқытуға Павлодар облысының түрлі ауруханалары мен емханаларынан 80-нен астам маман — дәрігерлер мен мейірбикелер қатысуда. Курсты Ұлттық қоғамдық денсаулық сақтау орталығы маманы Гаухар Агажаева жүргізуде.

 Қатысушылардың қатарында Тереңкөл аудандық ауруханасының қызметкерлері:
• Эльмира Биржановна Боранбаева
• Миржалол Равшанович Мирюсупов
• Юлия Сергеевна Лысюк
• Анна Александровна Артёмова

«Семинар барысында біз қажетті ақпарат алдық. Оқыту республикалық стандарттарға сәйкес өтуде. Біздің аудандық аурухана үшін жұмысты осы талаптарға сәйкестендіріп, оларды тәжірибеде қолдану маңызды», — деп атап өтті маман.

Курс бағдарламасы 5 күнге жоспарланған және келесі негізгі тақырыптарды қамтиды:

• медициналық ұйымдарда инфекциялардың алдын алу
• инфекциялық бақылау
• қол гигиенасы
• инъекция қауіпсіздігі
• стандартты сақтық шаралары

Павлодар облысының бас штаттан тыс эпидемиологы Дина Шакратова айтуынша, осы талаптарды сақтау пациенттер мен медицина қызметкерлерінің қауіпсіздігіне тікелей әсер етеді.

Мұндай оқыту бағдарламалары медицина қызметкерлерінің кәсіби біліктілігін арттырып, өңірдегі медициналық көмектің сапасын жақсартуға ықпал етеді.