2026 жылғы 22 қазанда Тереңкөл ауданы ауруханасында медициналық көмекті ұйымдастырудың өзекті мәселелері мен Қазақстан Республикасының нормативтік-құқықтық актілерін зерделеуге арналған медициналық кеңес өтті.

Кеңес барысында келесі мәселелер қаралды:

✅ 2023 жылғы 29 маусымдағы №260 бұйрықты өзгерістерімен бірге зерделеу. Пациенттерді медициналық-әлеуметтік сараптамаға (МӘС) жолдау кезінде медициналық құжаттарды рәсімдеудегі қателіктерді талдау.

✅ Ауруларды басқару бағдарламасы (АББ) бойынша жұмысты ұйымдастыру.

✅ Аса қауіпті инфекциялар, атап айтқанда оба кезіндегі эпидемияға қарсы іс-шаралар.

✅ Халықты вакцинациялаудың өзекті мәселелері.

✅ 2020 жылғы 18 қарашадағы №198 бұйрыққа сәйкес еңбекке уақытша жарамсыздық сараптамасын жүргізу, еңбекке жарамсыздық парақтары мен анықтамаларын беру тәртібі.

Медициналық кеңестің негізгі мақсаты — медицина қызметкерлерінің кәсіби білімін жетілдіру, қолданыстағы нормативтік-құқықтық актілердің талаптарын сақтау және халыққа көрсетілетін медициналық көмектің сапасын арттыру.