НАУҚАСТЫҢ БАҒЫТЫ

көрсеткіштер бойынша қымбат тұратын зерттеулер жүргізу үшін

(компьютерлік томография, магнитті-резонанстық томография, позитронды-эмиссиялық томография)

Қымбат тексерулерден (КТ, МРТ, ПЭТ) өту үшін науқас бірінші кезекте тұрғылықты жері бойынша учаскелік дәрігердің қабылдауына жүгінуі қажет. Учаскелік дәрігер науқасты қарап, медициналық құжаттамамен, аурудың анамнезімен танысқаннан кейін тар (бейінді) маманмен (кардиолог, невропатолог, хирург, гинеколог, отоларинголог, эндокринолог, гастроэнтеролог және т.б.) консультация беру қажеттілігі туралы шешім қабылдайды. Тексеру үшін көрсетілімдер болған кезде учаскелік дәрігер немесе бейінді маман қандай да бір диагностикалық қызметке жолдама береді.

Сақтандырылған қазақстандықтар компьютерлік томографиядан, магниттік-резонанстық томографиядан тегін өте алады. Сондай-ақ, зерттеудің бұл түрлері әлеуметтік маңызы бар және созылмалы аурулары бар пациенттерге ТМККК шеңберінде жүргізіледі.

Бүгінгі күні аталған зерттеулерді ТМККК шеңберінде сақтандыру мәртебесіне қарамастан әлеуметтік мәні бар ауруларды диагностикалау және емдеу үшін пациенттер тегін өте алады (Қазақстан Республикасы Денсаулық сақтау министрінің 2020 жылғы 23 қыркүйектегі № ҚР ДСМ-108/2020 "әлеуметтік мәні бар аурулардың тізбесін бекіту туралы"бұйрығы:

• Туберкулез
•  Адамның иммун тапшылығы вирусынан туындаған ауру және адамның иммун тапшылығы вирусын тасымалдаушылар
• Вжәне С вирустықгепатит
• Қатерлі ісіктер
• Қант диабеті
•    Психикалық және мінез-құлық бұзылыстары
  • Балалардың церебралды сал ауруы
  • Миокард инфарктісі (алғашқы алты ай)
  • Ревматизм
  • Дәнекер тінінің жүйелік зақымдануы
  • Орталық жүйке жүйесінің тұқым қуалайтын-дегенеративті аурулары
  • Орталық жүйке жүйесінің демиелинизациялық аурулары

     Орфандық аурулар

сондай-ақ динамикалық байқауға жататын созылмалы ауруларды диагностикалау және емдеу үшін ("динамикалық байқауға жататын созылмалы аурулардың тізбесін бекіту туралы"Қазақстан Республикасы Денсаулық сақтау министрінің 2020 жылғы 23 қыркүйектегі № ҚР ДСМ-109/2020 бұйрығы):

Жұқпалы және паразиттік аурулар:

• бауыр циррозынсыз созылмалы В, С және D вирусты гепатиті.

Қанайналым жүйесінің аурулары:

• артериялықгипертензия;
• жүректің ишемиялық ауруы
• брахиоцефалдық артериялардың жкстракраниальды аурулары
• жүрек клапандарының зақымдануы;
• аритмия;

Қан және қан өндіру органдарының аурулары:

• VIII фактордың тұқым қуалайтын тапшылығы;
• IX факторының тұқым қуалайтын тапшылығы;
• Виллебранд ауруы;
• басқа ұю факторларының тұқым қуалайтын тапшылығы.

Тыныс алу органдарының аурулары:

• төменгі тыныс жолдарының созылмалы аурулары.

Ас қорыту органдарының аурулары:

• жоғарғы асқазан-ішек жолдарының аурулары;
• инфекциялық емес энтерит және колит;
• бауыр циррозы;
• бауырдың уытты зақымдануы;
• басқа айдарларда жіктелмеген пеш жеткіліксіздігі;
• басқа айдарларда жіктелмеген созылмалы гепатит;
• бауыр фиброзы және циррозы.

Сүйек-бұлшықет жүйесі мен дәнекер тін аурулары:

• артропатия, дорсопатия;
• дәнекер тінінің жүйелік зақымдануы.

Эндокриндік жүйе аурулары, тамақтанудың бұзылуы және зат алмасудың бұзылуы:

• қантдиабеті;
• қалқанша безінің аурулары.

Жүйке жүйесінің аурулары:

• эпилепсия;
• церебральдіпаралич.

Несеп-жыныс жүйесінің аурулары:

• гломерулярлық аурулар;
• созылмалы интерстициальді нефрит;
• қуық асты безінің гиперплазиясы;
• сүт безінің дисплазиясы;
• әйел жыныс мүшелерінің қабынбайтын аурулары.

Перинаталдық кезеңде туындайтын жекелеген жай-күйлер:

• перинаталдық кезеңде пайда болған бронхопульмональды дисплазия.

• Туа біткен ауытқулар( даму ақаулары), деформациялар және хромосомалық бұзылулар (балалар):
• операциядан кейінгі кезеңде туа біткен жүрек ақаулары;
• туған даму ақаулары.

Бұл қызметтерді Сіз Павлодар медициналық институтының келесі медициналық ұйымдарынан ала аласыз

- «Orhun- медикал» ЖШС

- « МДЦ «Веснет» ЖШС

- ШЖҚ«ПОКЦ»КМК

- Г.Сұлтанов атындағы ОКБ

- Павлодар қ. ДОБ

- ШЖҚ«ПООД»КМК

- "Center Nova" ЖШС филиалы

ПЭТ зерттеулері (позитрондық-эмиссиялық томография) Нұр-сұлтан қаласында University Medical Center корпоративтік қорының (ЮМС) Республикалық диагностикалық орталығында және ҚР Президенті Іс Басқармасы Медициналық орталығының ауруханасында ( ҚР ПІБ) жүргізіледі.