Ертіс ауданында «Ауылдық денсаулық сақтауды жаңғырту» ұлттық жобасын іске асыру: ауылдық елді мекендерді алғашқы медициналық-санитарлық көмек ұйымдарымен қамтамасыз ету

2024 жылы Ертіс ауданында «Ауылдық денсаулық сақтауды жаңғырту» Ұлттық жобасы аясында 2 жаңа денсаулық сақтау нысаны салынды - Қарақұдық  және Қызылағаш ауылдық медициналық пункттері.

Биыл аудандық ауруханадан 120 шақырым жерде орналасқан Ленино ауылындағы дәрігерлік амбулаторияның құрылысы жүріп жатыр. Ленино, Ағашорын (Ленино а. ДА 20 км), Амангелді (Ленино ауылына дейін 30 км) ауылдық дәрігерлік амбулатория жалпы саны 1000 адамнан асатын тұрғындарына қызмет көрсетеді. Дәрігерлік амбулатория құрылысы аяқталуға жақын; төңірегін абаттандыру жұмыстары жүргізілуде. Жоспарланған кестеге сәйкес нысан 2025 жылдың мамыр айының соңына дейін аяқталады деп күтілуде. Ленино ауылының мәртебесі стратегиялық болып табылады. 1970 жылы салынған дәрігерлік амбулаторияның қолданыстағы бейімделген ғимараты толық тозғандықтан, бекітілген санитарлық ережелерді сақтай отырып, халыққа медициналық көмек көрсетілмеген.

Барлығы жаңа медициналық объектілер бекітілген санитарлық ережелерге және қолайлы еңбек жағдайларына, тұрмыстық қызмет көрсетуге, медициналық көмек көрсетуге, санитарлық және эпидемияға қарсы (профилактикалық) іс-шараларды ұйымдастыру және өткізуге қойылатын талаптарға сәйкес келеді. Жаңа медициналық мекемелер заманауи жабдықтармен, соның ішінде телемедициналық кардиограф пен дефибриллятормен жабдықталған, бұл білікті көмекті тікелей орнында көрсетуге мүмкіндік береді.