Ұйқы – жай ғана демалыс емес, ағзаның қалпына келуіне және денсаулықты сақтауға көмектесетін маңызды физиологиялық үдеріс.

Ұйқы туралы қызықты деректер:
• Адам өмірінің шамамен үштен бір бөлігін ұйқымен өткізеді.
• Ұйқы кезінде ми белсенді жұмысын жалғастырып, күндіз алынған ақпаратты өңдеп, есте сақтайды.
• Ұйқының жеткіліксіздігі зейіннің, есте сақтаудың және еңбекке қабілеттіліктің төмендеуіне әкеледі.
• Ұйқы кезінде иммундық жүйе нығайып, ағза тіндері қалпына келеді.
• Түстер көбінесе ұйқының жылдам фазасында көрінеді.

Қанша уақыт ұйықтау қажет?
• Балалар – 9–12 сағат.
• Жасөспірімдер – 8–10 сағат.
• Ересектер – 7–9 сағат.
• Егде жастағы адамдар – 7–8 сағат.

Ұйқыны жақсартуға не көмектеседі?
• Күн сайын бір уақытта ұйықтап, бір уақытта ояну.
• Ұйықтар алдында бөлмені желдету.
• Ұйқыға дейін 1–2 сағат бұрын телефон, компьютер және теледидар қолдануды шектеу.
• Кешкі уақытта кофе, қою шай және энергетикалық сусындарды тұтынбау.
• Күні бойы қалыпты дене белсенділігін сақтау.

Қашан дәрігерге қаралу қажет?
• Егер ұйқысыздық бірнеше аптадан астам уақытқа созылса.
• Егер түнде жиі ояну байқалса.
• Егер қатты қорылдау, ұйқы кезінде тыныстың тоқтауы немесе күндізгі тұрақты ұйқышылдық болса.

Толыққанды ұйқы – денсаулықтың, жақсы көңіл-күйдің және жоғары жұмыс қабілетінің маңызды кепілі. Ұйқыңызға мән беріңіз және демалыс тәртібін сақтаңыз.

#СалауаттыҰйқы #Профилактика #СалауаттыӨмірСалты #ТереңкөлАуруханасы #БаршағаДенсаулық