2026 жылғы 14–15 тамыз күндері Астана қаласында халықаралық қатысумен Атеросклероз жөніндегі Қазақстан қоғамының III съезі өтті. Іс-шараға кардиология, атеросклероз және жүрек-қантамыр ауруларының алдын алу саласындағы отандық және шетелдік жетекші мамандар қатысты.

Съездің жұмысына Тереңкөл ауданы ауруханасының дәрігер-кардиологы Сальменова Мөлдір Ануарқызы қатысты.

Ғылыми бағдарлама аясында атеросклероздың, дислипидемияның және жүрек-қантамыр аурулары қаупінің басқа да факторларының алдын алу мен емдеудің заманауи тәсілдері, сондай-ақ кардиометаболикалық қауіп, қант диабеті, семіздік, созылмалы бүйрек ауруы, цифрлық кардиология және заманауи диагностикалық әдістердің өзекті мәселелері қарастырылды.

Съезге қатысу Мөлдір Ануарқызына кәсіби білімін жетілдіруге, халықаралық заманауи ұсынымдармен танысуға және әріптестерімен тәжірибе алмасуға мүмкіндік берді. Алынған жаңа білім мен тәжірибе Тереңкөл ауданы тұрғындарына көрсетілетін кардиологиялық көмектің сапасын одан әрі арттыруға ықпал етеді.