Наурыз айының басында Павлодар облыстық психикалық денсаулық орталығының психологы А.А. Куликова​ Өңірлік балаларды қолдау орталығының тәрбиеленушілері, Машина жасау, электроника және коммуникациялар жоғары колледжінің студенттері, сондай-ақ №18 және №17 мектеп оқушыларымен электрондық темекіні пайдаланудың алдын алу бойынша тренингтер өткізді.

Өкінішке орай, қазір көптеген жасөспірімдер мен жастар вейптарды қарапайым темекіге қауіпсіз балама ретінде қабылдайды. Ал, шын мәнінде "электронка" ағзаға үлкен зиян тигізеді. Электрондық темекіде жағымсыз иістің, улы шайырлардың және жану өнімдерінің болмауы - темекі шегудің қауіпсіз екендігін білдірмейді, әрі бұл жалған. Жасөспірімдер субмәдени мифтерге бейім келеді. Оларға бұл зиянсыз және жағымды көңіл көтеру, басқалардың алдында өздерін ересек, салмақты сияқты көрінеді. Вейптың будақтауы әсерінен болатын топтық сәйкестендіру никотинге тез тәуелді етеді. Көптеген жастар міндетті түрде электронды темекіден кейін қарапайым темекіге көшеді. Сонымен қатар, вейптың жағымсыз эстетикалық дәмдік жағы жоқ. Жасөспірімді темекі шегуден алыстататын барлық нәрсе алынған. Онымен тыныс алу оңай, ол шырышты қабықты тітіркендірмейді және жөтел тудырмайды, жағымды иіс шығарады, қалың консистенцияға ие және ақ түске ие. Жастар арасында вейпты будақтату субмәдениеті әлеуметтік желілерде тез таралды. Алайда, тренинг барысында никотиннің тамырлар мен миға улы әсері жан-жақты зерттеліп, қарастырылды.

Жасөспірімнің жетілмеген ағзасы уланудың үлкен дозаларын алады, жүрек, жүйке, репродуктивті және басқа жүйелердің жұмысы бұзылады, бұл болашақта ауыр зардаптарға әкелуі мүмкін. Тренинг соңында балаларға жаттығулар ұсынылды, жаттығу арқылы компанияда шылым шегуден бас тарту ережелері оқытылды. Жасөспірімдердің айтуы бойынша күйзеліс көбінесе темекі шегуге апаратын "мотивация" болып табылатындықтан, күйзеліспен күресу тәсілдерін еске түсіріп, қайталап шықты.