«Әлеуметтік медициналық сақтандыру қоры» КЕАҚ азаматтармен, медициналық ұйымдармен, медициналық қызметтерді жеткізушілермен және бұқаралық ақпарат құралдарымен ыңғайлы, қолжетімді әрі цифрлық өзара іс-қимыл жасауға қойылатын заманауи талаптарды ескере отырып әзірленген жаңартылған ресми сайтын ұсынады.

Сайтты редизайндау ақпарат пен электрондық сервистерді ұсыну сапасын арттыруға, сондай-ақ барлық санаттағы пайдаланушылар үшін қажетті мәліметтерді іздеуді жеңілдетуге бағытталған.

Жаңа сайтты әзірлеу кезінде навигацияның ыңғайлылығына, заманауи визуалды безендіруге және мобильді құрылғыларға бейімделуіне ерекше назар аударылды. Бөлімдердің жаңартылған құрылымы мен интуитивті түсінікті интерфейсінің арқасында пайдаланушылар қажетті ақпаратты жылдамырақ таба алады.

Басты бет заманауи дизайнға ие болды. Онда ең сұранысқа ие сервистер мен ақпараттық бөлімдерге жылдам қол жеткізу мүмкіндігі, сондай-ақ Қор қызметінің негізгі көрсеткіштері бойынша есептегіш қарастырылған.

Жаңартылған ресми сайт Қор қызметінің негізгі бағыттарын бірыңғай әрі ыңғайлы құрылымда біріктіреді.

«Қор туралы» бөлімінде Қордың қызметі, корпоративтік басқару, корпоративтік құжаттар, есептілік, бос жұмыс орындары, Қоғамдық-консультациялық кеңестің жұмысы және мемлекеттік сатып алу туралы ақпарат орналастырылған.

«Пациенттерге» бөлімі азаматтар үшін ең қажетті ақпаратты біріктіреді:

• МӘМС және ТМККК жүйесі туралы мәліметтер;

• медициналық қызметтер тізбесі;

• жарналар мен төлемдер туралы ақпарат;

• сақтандырылу мәртебесін алу және тексеру;

• дәрі-дәрмекпен қамтамасыз ету;

• профилактикалық екпелер мен профилактикалық қарап-тексерулер күнтізбелері;

• шетелде емделу;

• медициналық ұйымдарды іздеу;

• пациенттердің құқықтары туралы ақпарат.

«Жеткізушілерге» бөлімі медициналық ұйымдарға арналған және мыналарды қамтиды:

• жеткізуші мәртебесін алу тәртібі;

• денсаулық сақтау субъектілерінің дерекқоры;

• шарт жасасқан жеткізушілер тізбесі;

• медициналық көмек көлемдеріне өтінім беру;

• сатып алу веб-порталы;

• сатып алу, ақы төлеу, жоспарлау, мониторинг және тарифтерді қалыптастыру жөніндегі нормативтік құжаттар.

«Баспасөз орталығы» бөлімінде жаңалықтар, пациенттердің оқиғалары, бейнематериалдар, БАҚ-тағы жарияланымдар және бұқаралық ақпарат құралдары өкілдеріне арналған байланыс деректері біріктірілген.

«МӘМС-гид» бөлімі азаматтардың әртүрлі санаттарына, оның ішінде жалдамалы жұмыскерлерге, дара кәсіпкерлерге, жұмыссыздарға, зейнеткерлерге, студенттерге, шетел азаматтарына және жүкті әйелдерге арналған дербестендірілген ақпаратты ұсынады. Сондай-ақ бөлімде жиі қойылатын сұрақтарға жауаптар қамтылған.

«Сервистер» бөлімі ең сұранысқа ие электрондық қызметтерге жылдам қол жеткізуді қамтамасыз етеді:

• МӘМС жүйесіндегі мәртебені тексеру;

• төлемдер калькуляторы;

• МӘМС үшін онлайн төлем жасау;

• төлемдерді қайтару;

• МӘМС туралы анықтама алу;

• емхананы іздеу.

«Байланыс» бөлімінде Қордың орталық аппараты мен филиалдары туралы өзекті ақпарат орналастырылған.

Жаңартылған ресми сайтқа біртіндеп әрі қолайлы көшу мақсатында Қор алдыңғы сайт нұсқасына қолжетімділікті бір ай мерзімге сақтап қалды. Осы кезең ішінде пайдаланушылар қажет болған жағдайда басты бетте орналастырылған «Сайттың ескі нұсқасы» батырмасы арқылы өздеріне таныс интерфейсті пайдалана алады.

Бұл шешім пайдаланушыларға сайттың жаңа құрылымымен біртіндеп танысуға, жаңартылған навигацияға бейімделуге және қажетті сервистер мен ақпараттық ресурстарды еш қиындықсыз пайдалануды жалғастыруға мүмкіндік береді.

Ресми сайтты жаңарту – Қордың цифрлық сервистерді дамыту және қызметінің ашықтығын арттыру жөніндегі жұмысының бір бөлігі. Жаңа сайт кез келген құрылғыдан ақпаратқа ыңғайлы қол жеткізуді қамтамасыз етеді, қажетті мәліметтерді іздеу уақытын қысқартады және азаматтардың, медициналық ұйымдар мен серіктестердің Қормен өзара іс-қимылын анағұрлым қарапайым әрі тиімді етеді.

Әлеуметтік медициналық сақтандыру қоры

Ресми сайт – https://msqory.kz/ru/
YouTube-канал– https://www.youtube.com/@msqory_kz
Telegram-канал– https://t.me/medsaqtandyru
Facebook – https://www.facebook.com/msqory/
Instagram – https://www.instagram.com/msqory_kz/