Алматыда халықаралық онкологиялық диалог өтеді: наурыз айында Қазақстан онкологтары мен радиологтарының Х съезі ұйымдастырылады
2026 жылғы 12–14 наурыз күндері Алматы қаласында Қазақстан онкологтары мен радиологтарының халықаралық қатысумен өтетін Х съезі өтеді. Бұл – онкология, радиология және ядролық медицина саласындағы жетекші мамандарды біріктіретін елдегі ең ірі кәсіби алаңдардың бірі.
Мерейтойлық съезге Қазақстан мен шетелдің ғалымдары, клиницистері, денсаулық сақтау саласының ұйымдастырушылары мен сарапшылары қатысып, қазіргі онкологияның негізгі мәселелерін — ерте диагностика мен скринингтен бастап, емдеудің инновациялық технологиялары мен дербестендірілген медицинаны енгізуге дейін талқылайды.
Іс-шараны Қазақ онкология және радиология ғылыми-зерттеу институты мен Қазақстан онкологтары мен радиологтары қоғамы ұйымдастырады.
Съезд аясында келесі бағыттар қарастырылады:
* онкологиялық ауруларды диагностикалау мен емдеудің жаңа тәсілдері;
* халықаралық клиникалық стандарттар мен заманауи технологияларды енгізу;
* ядролық медицина мен жоғары технологиялық онкологиялық көмекті дамыту;
* қазақстандық және шетелдік сарапшылар арасында тәжірибе алмасу.
Мерейтойлық форум ғылыми пікірталастар алаңы ғана емес, сонымен қатар жаңа зерттеулерді, инновациялық медициналық технологияларды таныстыру және Қазақстандағы онкологиялық қызметтің болашағын айқындайтын кәсіби диалог алаңы болмақ.
@depzdrav_pavlodar
whatsapp руководителя