ШЖҚ «Павлодар облыстық психикалық денсаулық орталығы» КМК Павлодар қаласы, Усолка, 42 көшесі, Ростовская, 50 көшесі мекенжайларында орналасқан. Қабылдау бөлімінің байланыс телефоны/факс: 8 (7182) 60-79-31, 60-79-32, 33-61-58. Сенім телефоны: 87084666103.

ШЖҚ «ПОПДО» КМК басшысы Кахан Орынбекұлы Иманбеков

Павлодар облысында психиатриялық қызмет 1940 жылдан бастап қызмет ете бастады, ол кезде облыстық аурухана жанынан 10 төсек бөлінген болатын. Облыста психиатр-дәрігерлер болмағандықтан, білікті емдеу болған жоқ. Психикалық науқастарды емдеу терапевт дәрігерлерге, ал 1954 жылдан бастап невропатологтарға жүктелді, ол уақытта психиатриялық бөлімше Павлодар облыстық психиатриялық ауруханасы болып қайта құрылды. Қолайсыз жағдайларға байланысты аурухана ашу қажеттілігі туындады. Садықащы кентінде табылған жабық балалар үйінің базасындағы орынды ашу туралы мәселе бой көтерді. Басында аурухана 100 орынға арналған: 50 ерлер, 50 әйелдер төсегі. Бөлме 1 корпустан тұрды. 1963 жылы төсек сыйымдылығы 250 төсекке жетті. Аурухана облыс орталығынан 150 км қашықтықта орналасқандықтан, әсіресе қысқы уақытта науқастарды ауруханаға жатқызу және шығару өте қиын болды. 1965 жылдың желтоқсан айында Павлодар қаласында стационарсыз облыстық психоневрологиялық диспансер ұйымдастырылды, 1966 жылы психикалық ауруларды жинап, кейіннен Садықащы кентінде емдеуге жатқызу үшін 5 төсектік эвакоприемник (эвакуациялау пункті) ашылды.

1967 жылы Ертіс ауданында 50 төсектік ауданаралық психоневрологиялық диспансер ашылды, ол жақын маңдағы Железин, Тереңкөл, Краснокутский, Ертіс аудандарына қызмет көрсетті. 1969 жылы облыстық психоневрологиялық диспансердің стационарына жеке орын бөлінді, күрделі жөндеуден кейін 50 төсек орын орналастырылды. Сол жылы арнайы ДЕСК (дәрігерлік-еңбек сараптау комиссиясы) ұйымдастырылып, психикалық аурулары бар барлық мүгедектер осы куәландырудан өтеді.1971 жылы стационар жанында клиникалық зертхана ашылды, 1972 жылдан бастап балалар емханалық қабылдауы ашылды. 1974 жылдың соңында жасөспірімдер кабинеті ұйымдастырылды. 1979 жылы 500 орындық жаңа психиатриялық аурухана пайдалануға берілді. 1989 жылы облыстық психоневрологиялық диспансердің 630 төсектік стационары, 70 төсектік күндізгі бөлімшесі және 200 жұмыс орнына арналған емдеу-өндірістік шеберханалары болды. Оңтайландырудан кейін 1999 жылы төсек саны 550, күндізгі стационарда 100 орынға жетті. 1983 жылы аудандық ауруханалардың штатына психиатр-дәрігерлер енгізілді.

1988 жылы Екібастұзда 60 төсектік психонаркологиялық диспансер және 50 адамды қабылдауға арналған емхана ұйымдастырылды, бұл психиатриялық қызметтерді жаңа деңгейге көтерді, ауылдарда психикалық патологияны анықтау жақсарды, медициналық-әлеуметтік жұмыс белсенді жүргізіле бастады. Қазіргі уақытта ОПДО Павлодар облысының ең ірі емдеу-алдын алу мекемелерінің бірі болып табылады. Науқастарға психиатриялық және наркологиялық көмек тегін көрсетіледі. Диспансердің стационары 725 төсекке, күндізгі стационары 120 орынға, оның 50 орны балаларға есептелген. 4 ерлер бөлімшесі, 3 әйелдер бөлімшесі, невротикалық бұзылулар бөлімшесі, балалар бөлімшесі, балалар-жасөспірімдер бөлімшесі, медициналық-әлеуметтік оңалту бөлімшесі, мәжбүрлеп емдеу бөлімшесі; клиникалық-биохимиялық, психологиялық зертханалар, орталық зарарсыздандыру зертханасы, сондай-ақ әкімшілік-шаруашылық бөлімдер бар. Психиатр-нарколог дәрігерлер дәрігерлік-консультациялық, сот-психиатриялық, сот-наркологиялық сараптамалар жүргізеді. Облыстың әскери комиссариаттарының тіркеу және шақыру комиссияларының құрамында жұмыс істейді. Жылына 4000-ға жуық пациент тексеріліп, емделеді, емхана күніне 255 келуші адамдарға тұрақты жұмыс істейді. 1973 жылы облыстық әлеуметтік қорғау бөлімінің жанынан психикалық ауру бойынша мүгедектерге арналған психоневрологиялық интернат, ал 2003 жылы мүгедек балаларға арналған психоневрологиялық интернат ұйымдастырылды. Облыс науқастарын қабылдайтын емхана бар. Диспансерде 60 дәрігер жұмыс істейді. Пациенттердің терапевт, невропатолог, хирург, фтизиатр, лор, окулист, стоматолог, дерматолог, педиатр, логопед дәрігерлерінен ем және консультация (кеңес) алу мүмкіндігі бар.

1991 жылдан бастап нейрофизиологиялық зертхана жұмыс істейді, онда электроэнцефалография, эхография, рэоэнцефалография, электрокардиография жүргізіледі, психологтар мен психотерапевтер жұмыс істейтін психологиялық зертхана да бар.

1993 жылы облыстық психоневрологиялық диспансерде тәулік бойы және күндізгі стационарлы балаларды медициналық-әлеуметтік оңалту орталық-бөлімшесі ашылды, ал 1995 жылдан бастап бөлімше - жасөспірімдер орталығы болып табылады, бұл орталық бүкіл облыстың балалары мен жасөспірімдеріне емдеу-алдын алу көмегін көрсетуге есептелген. Олардың қызметінің негізгі мақсаты - шекаралық психикалық бұзылулары бар балалар мен жасөспірімдерді емдеу және оңалту болып табылады.

2009 жылдан бастап ШЖҚ «ПОПДО» КМК-да амбулаторлық түрде жүгінген адамдарға және стационардағы адамдарға көмек көрсететін суицидолог психиатр-дәрігерлері жұмыс істейді, сондай-ақ олар оқу орындарында кәмелетке толмағандар арасында суицидтің алдын алу бойынша (дәрістер оқиды, семинарлар, дөңгелек үстелдер өткізеді және т.б.) жұмыс жүргізеді.

2014 жылғы 1 наурызда Павлодар облыстық психоневрологиялық диспансерінің базасында «Дағдарыс орталығы» психологиялық көмек қызметі ашылды. Бұл қызмет өмірлік қиын немесе дағдарыстық жағдайдағы адамдарға психологиялық қолдау көрсетуге бағытталған.

Орталық қызметінің негізгі бағыттарына:

• сенім телефоны бойынша дағдарыстық консультация (кеңес) беру;

• психологиялық консультация беру және психологиялық консультация беру кабинетіндегі түзету;

• Павлодар облыстық психоневрологиялық диспансерінің невроздар бөлімшесі базасында стационарлық көмек көрсету жатады.

Павлодар облысы әкімдігінің 2018 жылғы 19 шілдедегі «Павлодар облысының кейбір медициналық кәсіпорындарын қайта ұйымдастыру туралы» №261/5 Қаулысына сәйкес, Павлодар облысы әкімдігі, Павлодар облысы денсаулық сақтау басқармасының «Павлодар облыстық психоневрологиялық диспансері» КМҚК-на Павлодар облысы әкімдігі, Павлодар облысы денсаулық сақтау басқармасының ШЖҚ «Павлодар облыстық наркологиялық диспансері» КМК-ы қосылды.

Павлодар облысы әкімдігінің 2019 жылғы 19 сәуірдегі Павлодар облысы әкімдігі, Павлодар облысы денсаулық сақтау басқармасының «Павлодар облыстық психоневрологиялық диспансері» КМҚК-ың атауын өзгерту туралы № 116/2 Қаулысына сәйкес, «Павлодар облыстық психикалық денсаулық орталығы» КМҚК болып өзгертілді.

Павлодар облысы әкімдігінің 2020 жылғы 10 наурыздағы Павлодар облысы әкімдігі, Павлодар облысы денсаулық сақтау басқармасының «Павлодар облыстық психикалық денсаулық орталығы» КМҚК-ың атауын өзгерту туралы № 36/2 Қаулысына сәйкес, ШЖҚ «Павлодар облыстық психикалық денсаулық орталығы» КМК болып өзгертілді.