Қазақстан Республикасы Денсаулық сақтау министрі – С.З. Қайырбекованың Павлодар қаласының №4 емханасына келуі

2014 жылғы 19 наурызда Қазақстан Республикасы Денсаулық сақтау министрі – Салидат Зекенқызы Қайырбекова Павлодар облысына жұмыс сапарымен келу барысында ШЖҚ «Павлодар қаласының №4 емханасы» КМК-на келді. Министр ұжыммен кездесті, алдын алу бөлімшесі және әлеуметтік-психологиялық көмек бөлімшесінің, жалпы дәрігерлік тәжірибе бөлімшесінің жұмыстары бойынша мемлекеттік және салалық бағдарламаларды іске асырудың басты кезеңдерімен танысты. Министр «кезексіз емхана» қағидасы, электронды құжат айналымына көшіру,  емделушілердің жазба он-лайны және терминал (қоғамдық қолжетімді пункті) арқылы дәрігердің қабылдауына жазылу жүйесінің мүмкіншіліктері бойынша жұмыстардың ұйымдастыру мәселелеріне басты назар аударды. Министрдің назарына қолданыстағы тіркелімдерде және порталдарда, әсіресе амбулаторлық-емханалық көмек (АЕК), емделуге жатқызу бюросы (ЕБ), бекітілген тұрғындар тіркелімі (БТТ), дәрілікпен қамтамасыз ету ақпараттық жүйесі (ДҚАЖ) және т.б. порталдардағы ұжымның жұмыс істеу мүмкіншіліктері ұсынылды.