Қазақстанның Вице-премьері Ералы Тоғжанов Павлодар облысының Жедел жәрдем станциясына барды.

Премьер-Министрдің орынбасарына қызмет автопаркінің жаңартылуы және коронавирустық инфекцияның ықтимал толқынына дайындық туралы айтылды.

Республиканың Вице-премьері Павлодар облысына жұмыс сапары аясында станцияда болды. Бірінші кезекте оған 103 қызметі қазан айында алған бірнеше жаңа реанимобильдер ұсынылды. Әрбір машина жедел қызмет жасау үшін  және тиімді шұғыл көмек көрсету үшін барлық қажеттіліктермен жабдықталған. Диагностика және реанимация жүргізу үшін машиналарда электрокардиограф, ӨЖЖ аппараты, инфузомат, пациенттің мониторы, дефибриллятор және басқа медициналық жабдықтар қарастырылған. Өңірлік жедел жәрдем станциясы 22 реанимобиль алды. Жыл соңына дейін Павлодар облысына тағы 87 жаңа машина келеді.

Медицина қызметкерлерінің айтуынша, 103 қызметі санитарлық автокөлікті жаңартуды қажет етті-автопарктің тозуы 83% - ға дейін жетті. Пандемия кезінде барлық қол жетімді машиналарды қолдануға тура келді - жедел жәрдемге тәулігіне 1200 қоңырау келіп түсті, орташа есеппен 500-600 қоңырау. Қиындықтарға қарамастан, қызметтің негізгі көрсеткіштері айтарлықтай жоғары болып қалуда. Жедел жәрдем 99,8% деңгейінде жеделдікті көрсетеді. Бригаданың бірінші санаттағы шұғыл шақыруларға жету уақыты 7 минутқа дейін, ал қала сыртындағы трассаларда жол-көлік оқиғалары болған жағдайда 11 минутқа дейін құрайды.

Оқу кабинетінде Ералы Тоғжановқа 103 қызметкерлері үнемі қайта оқытудан өтіп, өз біліктіліктерін арттыратыны туралы айтылды. Сонымен қатар, жедел жәрдем қызметкерлері Павлодар облысы тұрғындарының өмірін құтқаратын медициналық жабдықтарды таныстырды.

Облыстық жедел жәрдем станциясының баспасөз қызметі.