Павлодарлық 103 қызметі жыл басынан бері 11 мыңнан астам қоңырауға қызмет көрсетті

Барлық қоңыраулардың төрттен бірі - шамамен 3 мың шақырулар  - жаңа жылдық демалыс күндеріне  келді.

1 қаңтардан бастап Павлодар облысының тұрғындары мен қонақтары 11227 рет 103 желіге хабарласты. 1813 жағдайда медициналық бригадалар  пациенттерді ауруханаға жатқызуды орындады.

Біздің қызметіміз 26 жол-көлік оқиғасын, 247 тұрмыстық жарақаттарды, 700 - ден астам соққы  және сынған фактілерді, 9 үсік шалған және 68 түрлі заттармен улану жағдайларын пысықтады, - деп атап өтті облыстық жедел жәрдем станциясы бас дәрігерінің орынбасары Ольга Вербовая. - Сонымен қатар, бізге жүктіліктің әртүрлі патологиясымен 450 рет жүгініп, 144 әйел босануға жеткізілді. Қоңыраулар жүрек-қан тамырлары жүйесінің бұзылуымен байланысты болды: Жедел ми қан айналымы бұзылған 155 пациентке қызмет көрсетілді және жедел миокард инфарктісі бар 116 адам ауруханаға жатқызылды.

Өңірде әрекет еткен ТЖ режимі кезінде павлодарлық 103 қызметі құқық қорғау органдарымен қатар күшейтілген режимде жұмыс істеді. Барлық медициналық бригадалар жоғары дайындық жағдайында болды.

Осы уақыт ішінде өңір тұрғындарына көмекке облыстық жедел жәрдем станциясының құрамына кіретін медициналық авиация мамандары да келді. Жыл басынан бері олар әуе көлігімен 3 қоңырауға және жердегі 10 қоңырауға қызмет көрсетті.

Облыстық жедел жәрдем станциясының баспасөз қызметі