Кеше кешке Павлодар облысының тас жолдарында   жол-көлік оқиғаларына жедел жәрдем үш рет жұмылдырылды.

103 желісіндегі алғашқы апат туралы хабарлама кеше 2022ж.23.09. 19:33-те келіп түсті. Аққулы  аймағындағы тас жолда көлік пен аттың соқтығысуы туралы хабарлады. Алты минуттан кейін жедел жәрдем бригадасы оқиға  орнында болды. 17-59 жас аралығындағы төрт адам орталық аудандық ауруханаға жеткізілді.

2022ж.23.09.сағат 21: 00 шамасында Майқан мен Екібастұз арасындағы тас жолда тағы бір жол апаты орын алды. Онда көлік кюветке ұшып кетті. Нәтижесінде 28 және 29 жастағы екі ер адам және 22 жастағы екі әйел жарақат алды. Түрлі сынықтармен және жарақаттармен аварияның үш қатысушысы Майқайың ауылдық учаскелік ауруханасына жеткізілді, ал қыздардың біреуі Екібастұз қалалық ауруханасына жеткізілді.

Жедел жәрдемдегі үшінші жол-көлік оқиғасы 2022ж.23.09. 22:23-те белгілі болды. Екібастұздан шыққан кезде екі көлік соқтығысқан. ЖКО орнына жету 5 минутты құрады. Өкінішке орай, зардап шеккендердің бірі - 26 жастағы ер адам алған жарақаттарынан 103  қызметі келгенге дейін қайтыс болды. Тағы төрт адам - 43 және 46 жастағы ерлер және 21 және 34 жастағы әйелдер Екібастұз қалалық ауруханасына жеткізілді.

Осы жағдайлардың әрқайсысына бірнеше жедел жәрдем бригадасы жұмылдырылды. Бірақ, облыстық 103 станциясында атап өткендей, апаттық жағдайға  қарамастан, жедел жәрдем қызметі ЖКО-ға қатысы жоқ басқа да шақыруларға  дер кезінде қызмет көрсете алды.