Медициналық авиация бөлімшесінің мамандары науқастарды екі рет Екібастұздан жеткізді.

 

29 маусымда Павлодар облысының медициналық авиациясы бірден төрт өтінімді орындады. Екі науқас Екібастұздан ұшақпен жеткізілді. 44 және 45 жастағы ер адамдар ауыр сынықтарға ұшырады, сондықтан оларды реаниматологиялық топ алып жүрді. Олар № 1 Павлодар қалалық ауруханасына жеткізілді. 

 

Сол күні медавиация Баянауылға жер үсті көлігімен барды. Онда екі мамандандырылған бригада жіберілді. Реаниматолог пен акушер-гинекологтың көмегі асқынулармен босанған 34 жастағы әйелге қажет болды. Облыс орталығының мамандары науқасқа операция жасап, Баянауылда оның жағдайы толық тұрақталғанға дейін қалды. 1 шілдеде ол облыстық клиникалық Сұлтанов атындағы ауруханаға ұшақпен жеткізілді. Оның жаңа туған қызын неонаталдық бригада өтініш берген күні облыстық перинаталдық орталыққа жеткізді.

 

Өткен бейсенбіде медициналық авиация Аққұлаға да барды. Онда дәрігерлер реаниматолог, нейрохирург, травматолог және хирург болды.  Ауыр сынықтары бар 29 жастағы әйелге мамандандырылған көмек алу үшін №1 Павлодар қалалық ауруханасына тасымалдау қажет болды. 

 

29 маусым күні кешке медавиацияға тағы бір өтінім Екібастұздан келіп түсті. Инфаркттан зардап шеккен 54 жастағы әйелді реаниматологтың сүйемелдеуімен облыстық кардиоорталыққа тасымалдады. 

 

Алты жағдайдың әрқайсысында облыстық жедел жәрдем станциясының құрамына кіретін медициналық авиация жедел түрде арнайы көмек көрсетуді және тасымалдауды жүргізді