Павлодар медавиациясы өткен аптада жеті өтінімді пысықтады

 

Облыстық жедел жәрдем станциясының бөлімшесіндегі барлық шақырулар жерүсті санитарлық көлігімен орындалды.

 

Осы аптада медициналық авиация қызметіне алғашқы өтінім 12 ақпанда Екібастұздан келді-жүктіліктің 25 аптасында 27 жастағы әйелге тасымалдау қажет болды. Екібастұз перзентханасынан реаниматологиялық бригада науқасты облыстық перинаталдық орталыққа жеткізді.  

 

Екібастұз дәрігерлерінен медавиацияға келесі шақыру келесі күні келіп түсті. Бұл жолы мамандардың көмегі ауруханадан тыс пневмония және тыныс алу жеткіліксіздігі диагнозы қойылған 40 жастағы ер адамға қажет болды. Оның өкпе эмболиясы да анықталғанын қиындатты. Осы себепті науқас аймақтық жүрек орталығына жеткізілді.

 

Железин ауданынан келген 63 жастағы ер адам кардиолог-мамандардың бақылауына берілді. Жүректің ишемиялық ауруы бар науқаста инфаркт болды. Оны Павлодарға реаниматологиялық бригада жеткізді.

 

Медициналық авиацияға бірден төрт өтінім 15 ақпанда түсті. Екі рет қызмет мамандары Тереңкөл қаласына барды. Бірінші жағдайда инсульт алған 77 жастағы әйел ауданнан облыстық жүрек орталығына жеткізілді. Екінші жағдайда дәрігерлер 55 жастағы ер адамды политравмамен және I дәрежелі травматикалық шокпен тасымалдады. Қазір онымен № 1 Павлодар қалалық ауруханасының мамандары айналысады.

 

Сондай-ақ, өткен бейсенбіде медавиация өкілдері Ертіске аттанды. Павлодарға тасымалдау инсульт алған 75 жастағы әйелге қажет болды. Реаниматологиялық бригада оны ауданнан облыстық кардиоорталыққа ауыстырды. Ұқсас диагнозы бар науқасты дәрігерлер Ақсудан жеткізді. 60 жастағы әйелдің жағдайын қазір кардиологтар да шешуде.

 

- Біз әлі де барлық өтінімдерді жер үсті көлігімен орындаймыз, - деп атап өтті медициналық авиация меңгерушісі Алмагүл Бесембинова. - Кез келген жағдайда біздің қызмет барлық қоңырауларды қысқа мерзімде пысықтайды. Межелі пунктке дейінгі қашықтыққа байланысты өтінімдерді пысықтау уақыты 2-ден 4,5 сағатқа дейін құрайды.