Халық банкінің облыстық филиалының өкілдері жедел жәрдем станциясына қандағы газдарды, электролиттер мен метаболиттерді жедел тексеруге қажетті портативті экспресс анализаторды тапсырды.

Халық банкі мен Павлодар облыстық жедел жәрдем станциясы ұзақ жылдар бойы ынтымақтастықта. Сондықтан банктің аймақтық өкілдігі серіктестерін кәсіби мерекелері – Медицина қызметкері күні қарсаңында атап өтуді ұйғарды. Құны 5 миллион теңгеге жуықтайтын арнайы техниканы «Халық банкі» облыстық филиалының басшысы Ернар Айтжанов 103 қызмет көрсету тобына табыс етті.

Канадада жасалған «Эпок» портативті экспресс анализаторы медициналық авиация бөліміне арналған. Ол ауыр жағдайларды жылдам диагностикалау үшін өте қажет және «тікелей науқастың төсегінде» сәтті қолданылады. Бұл құрылғының бірегейлігі кірістірілген биосенсорлық чипі және сымсыз деректерді беруі бар өлшеу картасының болуы.

•⁠ ⁠Станциямызда біздің неонатологиялық бригадалар өз жұмысында жиі қолданатын анализатор бар», - деп атап өтті жедел жәрдем станциясының басшысы Қанадан Ахметжанов. - Медициналық авиация қызметкерлері үшін пациенттердің өмірі мен денсаулығына нақты қауіп төнген ауыр жағдайларда жоғары сапалы қан анализін жылдам өткізу өте маңызды. Ауруға қарамастан, медицина қызметкерлері науқасқа қандай ем қажет екенін білу үшін қандағы газдар мен электролиттердегі ауытқуларды анықтауы керек. Осылайша, Халық банкінің назар аударуының арқасында біз қызметкерлеріміздің тиімділігін арттыра аламыз.

Ресми түрде Қазақстанда Медицина қызметкері күні маусым айының үшінші жексенбісінде тойланады. Биыл ол маусымның 16-сына сәйкес келеді.