Тәуелсіздік күні қарсаңында Облыстық жедел жәрдем станциясында медициналық ұжымның салтанатты кездесуі өтті.

 

Әріптестерді алдағы мерекемен құттықтай отырып, 103 қызметінің басшысы Қанадан Ахметжанов бүгінгі таңда тәуелсіз ел халқы үшін ең маңыздысы - тұрақтылық пен қауіпсіздік екенін атап өтті. Ол дәрігерлерге денсаулық пен олардың жұмыстарына сәттілік тіледі.

 

Тәуелсіздік күніне орай Жедел жәрдем қызметкері Мервета Садыкова "Шұғыл көмек ардагері" медалімен марапатталды. Бұл 103-қызметтегі көпжылдық және адал еңбегі үшін Ұлттық жедел медициналық үйлестіру орталығының жаңа сыйлығы. Мервета Еркінқызының еңбек өтілі 40 жылдан асады.