Әдеттегідей демалыс күндері жедел жәрдем пультіне қоңыраулардың саны әдеттегіден 10–15% көп түседі.

 

Өткен жұмада Павлодарда тағы да баланың биіктіктен құлау оқиғасы тіркелді. 2023 жылы туған ұл бала екінші қабаттан құлап, әртүрлі жарақаттар мен сынықтар алды. Бала шұғыл түрде облыстық балалар ауруханасына жеткізілді.

 

Жексенбі күні 50 жастағы ер адам 103 қызметіне жүгінді. Ол саяжай аумағында қоқыс өртеп жатқан кезде бензин кенеттен тұтанып, павлодарлық ер адам іштің алдыңғы бетінің 2–3 дәрежелі күйігін алды. Зақымдану аумағы 9% құрады. Науқас Павлодар қалалық №1 ауруханасына жатқызылды.

 

Сонымен қатар, үш тәулікте облыстық жедел жәрдем станциясы 12 түрлі жол-көлік апатына шықты. Оның екеуінде бірден төрт адамнан зардап шекті. Алғашқысы 22 тамыз күні Павлодар қаласында Катаев пен Ломов көшелерінің қиылысында болды. Оқиға орнына 103-тің екі бригадасы жұмылдырылды. 6 жастағы қыз бала мен 10 жастағы ұл бала облыстық балалар ауруханасына, 20 жастағы қыз Павлодар қалалық №1 ауруханаға жеткізілді. Ал 25 жастағы ер адам тексеруден кейін ауруханаға жатудан бас тартты.

 

Келесі жол апаты 24 тамыз күні Ертіс бағытына баратын трассада, Алғабас пен Камзина ауылдарының арасында тіркелді. Жеңіл көлік пен «Газель» соқтығысқан. Жедел жәрдем бригадасы және апат медицинасы орталығының тобы көмек көрсетуге жіберілді. 2003 жылы туған ер адам мен 1979 және 1981 жылғы әйелдер Павлодар қалалық №1 ауруханаға жеткізілді. Ал 37 жастағы ер адам медициналық тексеруден бас тартты.

 

— Биіктіктен құлау және тұрмыстық жарақаттар статистикасы, өкінішке қарай, жоғары деңгейде қалып отыр, әсіресе жылы мезгілде, — дейді жедел жәрдем станциясы басшысының орынбасары Ирина Мищенко. — Біз ата-аналардан балаларды, әсіресе ашық терезелердің жанында, тіпті қысқа уақытқа болса да қараусыз қалдырмауды сұраймыз. Сондай-ақ жанғыш сұйықтықтармен және отпен жұмыс істегенде қауіпсіздік ережелерін сақтау аса маңызды. Жол-көлік оқиғаларына келсек, мұнда барлық қатысушылардың мұқияттылығы шешуші рөл атқарады. Адамдар жол ережесін сақтап, жылдамдықты асырмай, әрқашан сақ болса, көптеген қайғылы жағдайлардың алдын алуға болады.