Ең ірі жол-көлік оқиғасы 14 тамызда Достық ауылының маңында орын алды.
Екі автокөліктің соқтығысқаны туралы шақырту сағат 16:54-те түсті. Оқиға орнына бірнеше жедел жәрдем бригадасы, Апаттар медицинасы орталығының бригадасы және Қалқаман елді мекенінің дәрігерлік амбулаториясының медицина қызметкерлері жіберілді. Оқиға орнынан облыстық балалар ауруханасына екі ұл бала мен бір қыз бала жеткізілді, тағы бір әйел кәмелетке толмаған балалардың біріне еріп барды. Павлодар қаласының №1 ауруханасына ер адам мен әйел адам жеткізілді. Тағы бір бала – қыз бала – өмірге сәйкес келмейтін жарақаттар алған. Медицина қызметкерлері зардап шеккен қызды клиникалық өлім жағдайында жедел жәрдем көлігіне алып, оған реанимациялық көмек көрсетуге әрекет жасады, алайда нәтиже болмады.
16 тамызда Таволжан ауылының маңында автокөлік жолдан шығып, шұңқырға түсіп кеткен. Апат орнынан бірден үш ер адам Успен аудандық ауруханасына жеткізілді. Стреске жіті реакция алған қыз оқиға орнында қалдырылды.
Облыстық жедел медициналық жәрдем станциясы басшысының орынбасары Ирина Мищенконың айтуынша, ауыр жол-көлік оқиғаларының едәуір бөлігі елді мекендерден тыс орналасқан тасжолдарда орын алады. Мұндай жерлерде жылдамдықты арттыру мен көлікті басқара алмай қалудың салдары аса ауыр болуы мүмкін.
– Тасжол немқұрайлылықты, шаршауды және асығыстықты кешірмейді, – дейді Ирина Мищенко. – Біздің бригадалардың елді мекендерден тыс жерлерде болған жол-көлік оқиғаларына әрбір дерлік шығуының артында күрт маневр жасау, рұқсат етілмеген жерлерде басып озу және қауіпсіздік ережелерін елемеу сияқты себептер жатады. Барлық жүргізушілерді жылдамдық режимін қатаң сақтауға, арақашықтықты ұстануға, шаршаған күйде ешқашан көлік жүргізбеуге және барлық жолаушыларды, әсіресе балаларды автокреслоға міндетті түрде отырғызып, қауіпсіздік белдігін тағуға шақырамыз. Тасжолдардағы жол-көлік оқиғаларының алдын алу – бұл тек жол қозғалысы ережелерін сақтау ғана емес, адам өмірін сақтап, қайғылы жағдайлардың алдын алудың жалғыз мүмкіндігі.
@depzdrav_pavlodar
whatsapp руководителя