ШЖҚ «Ақсу орталық ауруханасы» КМК-да міндетті әлеуметтік медициналық сақтандыру және күтілетін нәтиже, негізгі ережелерін түсіндіру бойынша семинар өтті.

«Қазақстан Республикасы Денсаулық сақтау және әлеуметтік даму министрлігінің медициналық қызметке ақы төлеу комитетінің Павлодар облысы бойынша департаменті» РММ басшысы Д.М. Қазанғаповтың қатысуымен 2016 жылғы 10 наурызда ШЖҚ «Ақсу орталық ауруханасы» КМК-ның акт залында аурухана ұжымымен міндетті әлеуметтік медициналық сақтандыру және күтілетін нәтиже, негізгі ережелерін түсіндіру бойынша семинар өтті. Міндетті әлеуметтік медициналық сақтандыруды енгізу денсаулық сақтау секторы үшін ресурстарды жинақтауға ықпал етеді, бұл медициналық көмектің сапасын, тиімділігін және қол жетімділігін жақсартады. Семинарға бөлімше меңгерушілері, ординатор дәрігерлер, медбикелер қатысты.