Қазақстанның Бас мемлекеттік санитарлық дәрігері Нұрқан Сәдуақасов 2023 жылғы 1 қазаннан бастап эпидемияға қарсы іс-шаралар, оның ішінде тұмауға қарсы вакцинация жүргізу туралы Қаулыға қол қойды

Қаулыға сәйкес эпидемиялық маусым кезеңінде ЖРВИ және тұмау бойынша:

* 1 қазаннан бастап тұмауға қарсы Вакцинация.

* Медициналық ұйымдарда кіреберістегі "Сүзгілердің" жұмысын қамтамасыз ету, маскаларды пайдалану, антисептиктердің болуы.

* ЖРВИ, тұмау көріністерімен жүкті әйелдер мен бір жасқа дейінгі балаларды үйде шақыруға бірінші кезекте қызмет көрсету.

* Мектепке дейінгі балалар ұйымдарында күнделікті таңертеңгі сүзгіні өткізу, ЖРВИ және тұмау белгілері бар балаларды шеттету.

* Орта білім беру ұйымдарында: оқушылардың ЖРВИ-мен ауыру жағдайларын бір сыныпта 20-дан 30% - ға дейін тіркеу кезінде бір инкубациялық кезең ішінде кабинеттік оқыту жүйесін жою ұсынылады; егер сыныпта сырқаттанғандар 30% - дан көп болса, оқушылар онлайн-оқытуға ауыстырылады.