Облыс орталығында дәрігерлер мен орта буын медицина қызметкерлеріне арналған «Медициналық ұйымдардағы инфекциялардың алдын алу және инфекциялық бақылау» тақырыбында оқу курсы өтті. Оқу перинаталдық және кардиологиялық орталықтар базасында ұйымдастырылды. Оқу сабағын ҚР Денсаулық сақтау министрлігіне қарасты қоғамдық денсаулық сақтау ұлттық орталығының инфекциялық бақылау және антимикробтық төзімділікті үйлестіру бөлімінің басшысы Гаухар Ағажаева жүргізді.

Бағдарламаға әртүрлі мамандықтағы 35 дәрігер және шамамен 50 орта буын медицина қызметкері қатысты. Курс дәрістерді, тәжірибелік сабақтарды және тәжірибе алмасуды қамтыды.

Бағдарламада пациенттер мен медицина қызметкерлерінің қауіпсіздігіне, сондай-ақ акушерлік саладағы инфекциялық бақылауға ерекше назар аударылды.

Қатысушылар оқу нәтижелерінің күнделікті тәжірибеде маңызды екенін атап өтті.