Өткен демалыс күндері Павлодар облыстық перинаталдық орталығының қызметкерлері мекеме аумағын абаттандыру мақсатында сенбілік өткізді. Қатысушылар күрек, тырма және өзге де қажетті құралдарды пайдалана отырып, аумақты қоқыстан тазартты, құрғақ жапырақтарды жинап, айналаны ретке келтірді.

 

Іс-шара ұйымшылдық пен өзара қолдау жағдайында өтті. Ұжымның бірлескен еңбегінің нәтижесінде орталықтың аумағы тазарып, көркейе түсті.

 

Мұндай экологиялық бастамалар қоршаған ортаға ұқыпты қарау мәдениетін қалыптастыруға, сондай-ақ ұжымдық бірлікті нығайтуға ықпал етеді.