103 желіде шамадан тыс жүктеме болған жағдайда Павлодар облысының тұрғындары басқа нөмірлер бойынша жүгіне алады.

 

Өңірлік жедел жәрдем станциясында тәулігіне 1,5 мыңға дейін қоңырау қабылданады. Эпидемиологиялық маусымда қоңыраулар саны артып келеді, яғни 103 телефон желісіне жүктеме де артады. 

 

Тәулік бойы жедел жәрдемге ‪+7 7182 320024‬, 323778 нөмірлері бойынша хабарласуға болады. Мұнда сіз аға дәрігерден кеңес ала аласыз. Жұмыс уақытында медициналық бригаданы ‪+7 7182 650500‬ телефоны арқылы шақыруға болады, оған пациенттерді қолдау қызметінің маманы жауап береді. Сонымен қатар, егер сіз жедел жәрдем туралы 112 нөміріне қоңырау шалсаңыз, бұл қоңырау автоматты түрде 103 менеджеріне жіберіледі. 

 

Сондай-ақ, жедел жәрдемді Telegram мессенджері арқылы шақыруға болады. Ол үшін арнайы ботқа жазылу жеткілікті http://t.me/pvl_103_bot. 

 

"Жедел жәрдем шақыру" батырмасын басу арқылы пайдаланушы нұсқаулыққа сәйкес жарақат немесе ауруды сипаттауы керек, сонымен қатар науқастың орналасқан жерін мүмкіндігінше дәл көрсетуі керек. Мессенджер арқылы берілген өтінім өңірлік жедел жәрдем станциясының бірыңғай колл-орталығында өңделеді. Алдымен диспетчер қоңыраудың жеделдігін анықтауы керек. Шұғылдықтың төрт санатының әрқайсысы үшін жеткізу уақытының өзіндік ережесі бар. Мысалы, бірінші санат бойынша, адамның өміріне нақты қауіп төнген кезде, 15 минут ішінде жұмыс істеу керек. Шұғылдықтың төртінші санаты бойынша шақырулар емханаларға беріледі және оларға мобильді бригадалар қызмет көрсетеді. 

 

Өтінім жұмысқа қабылданды ма, жоқ па, оны өзіңіз тексере аласыз. Ол үшін "өтініш мәртебесін тексеру"батырмасын басу керек. "Жиі қойылатын сұрақтар" бөлімінде коронавирустық инфекцияның алдын алу, белгілері және емдеумен байланысты өзекті ақпаратты табуға болады.